وزیراعظم دا بجلی صارفین کوں وݙا ریلیف ، گھریلو صارفین سانڳے قیمت اچ 7 روپے 41 پیسے تے صنعتی صارفین سانڳے 7 روپے 59 پیسےفی یونٹ گھٹاوݨ دا اعلان ، بجلی قیمتاں گھٹݨ پاروں معاشی سرگرمیاں تکھیاں تھیسن، شہباز شریف

اسلام آباد۔3اپریل(اے پی پی) وزیراعظم محمد شہباز شریف بجلی صارفین کوں وݙا ریلیف ݙیندے گھریلو صارفین سانڳے بجلی دی قیمت اچ 7 روپے 41 پیسے اتے صنعتی صارفین سانڳے 7 روپے 59 پیسے فی یونٹ گھٹاوݨ دا اعلان کریندے آکھئے مستقبل اچ بجلی دیاں قیمتاں مزید گھٹ کیتیاں ویسن ، آندے 5 سالاں اچ گردشی قرضے دا مسئلہ ہمیشہ سانڳے مک ویسی ، بجلی دیاں قیمتاں گھٹ تھیوݨ پاروں معاشی سرگرمیاں تکھیاں تھیسن ، سالہا سال توں بند پئے زنگ آلود “جنکوز “کوں ویچیا ویسی ، ڈسکوزکوپرائیویٹائز یا پروفیشنلائز کیتا ویسی ، سالانہ 600 ارب روپے دی بجلی چوری دا مکمل خاتمہ کرݨا ہوسی، نجکاری و رائٹ سائزنگ دے بغیر پاکستان ترقی نی کرسڳدا ۔ اے ڳالھ وزیراعظم بجلی دےنرخ گھٹاوݨ دے حکومتی پیکج دے حوالے نال  تقریب توں خطاب اچ آکھی ۔ ایں موقع تے نائب وزیراعظم و وزیر خارجہ  سینیٹر اسحاق ڈار، وفاقی وزرا، ارکان پارلیمان، سرمایہ کار ، کاروباری شخصیات اتے اعلیٰ حکام وی موجود ہن ۔ وزیراعظم محمد شہبازشریف آکھیے معاشی میدان اچ کامیابیاں دا سلسلہ اڳوں ودھیندے پیوں۔ ہݨ منشور اچ کیتے ڳئے وعدے پورا کرݨ دا ویلھا آڳئے، اے معاشی ترقی واستحکام دے نتیجے اچ خوشخبری سݨاوݨ دا موقع اے ۔وزیراعظم شہبازشریف آکھئے جو انہاں کوں ایں حقیقی دا پتہ اے جو ہݨ مہانگی بجلی توں عوام متاثر تھئن ،ملک دی خاطر عام آدمی دی قربانیاں دا مکمل احساس رکھیندوں ،مہانگی بجلی پاروں معاشی سرگرمیاں وی متاثرتھئن ۔وزیراعظم شہبازشریف آکھئے سارے شعب??ں دی ترقی اچ مہانگی بجلی ھک رکاوٹ اے، ترقیاتی عمل اڳوں ودھاوݨ سانڳے بجلی دیاں قیمتاں گھٹاوݨ ناگزیر ہن بجلی دیاں قیمتاں اچ کمی سانڳے ٹاسک فورس دیاں کاوشاں قابل تعریف ہن ۔ عید توں پہلے پٹرولیم مصنوعات دیاں قیمتاں برقرار رکھیندے بجلی دے شعبے اچ فیدہ منتقل کرݨ دا فیصلہ کیتے ۔ وزیراعظم آکھئے جو جون 2024 اچ گھریلو صارفین سانڳے بجلی دی قیمت 48.70 روپے ہئی جیڑھی جو ایں ویلھے 45.05 روپے فی یونٹ اے۔ جون 2024ء توں گھن تے اڄ تئیں ایں وچ 3.5 روپے دی کمی تھئی ، اڄ گھریلو صارفین سانڳے مزید 7.41 روپے فی یونٹ گھٹیندے پیوں جئ??ں دے بعد سارے گھریلو صارفین کوں بجلی ہݨ 34.37 روپے فی یونٹ ??تی ویسی ۔ جون 2024ءاچ صنعتاں سانڳے فی یونٹ بجلی دی قیمت 58.50 روپے ہئی جیں اچ سانجھیاں کوششاں تو 10.30 روپے فی یونٹ گھٹائے ڳئے جیڑھی 48.19 روپے فی یونٹ تئیں پُڄی ۔ اڄ ایں وچ مزید 7.59 روپے فی یونٹ گھٹاوݨ دا اعلان کیتا ویندا پئے ۔  وزیراعظم شہباز شریف آکھئے ایں ویلھے  بجلی دے شعبے دا گردشی قرضہ 2393 ارب روپے (2کھرب 393ارب روپے)اے، ایں گردشی قرضے دا مستقل حل ڳولیا ڳئے ، آندے پنج سالاں اچ گردشی قرضہ مک ویسی لیکن ایں سانڳے شرط اے ہے جو اساں خود کوں بدالوں ۔ خود کوں بدالئے بغیر ایں گردشی قرضٖ توں جند نہ چھٹسی ۔ وزیراعظم آکھئے سرکاری پاور پلانٹس (جنکوز) سالہا سال  توں بند پئن تے ھک کلو واٹ بجلی اتھوں نی بݨدی پئی ، لیکن سالانہ ارباں روپے دیاں تنخواہیں اتے مراعات  جاری ہن جیڑھا وݙا ظلم اے ا??ں دا ٻوجھ عوام تے پوندے اے او کینسر اے جئیں کوں منڈھوں کپݨا ہوسی ۔ ہݨ انہاں جنکوز دی پہلی لاٹ کوں شفاف طریقے نال ویچیا ڳئے جئیں توں 9 ارب روپے وصول تھیسن جݙاں جو بند بئے زنگ آلود  جینکوز تے سالانہ7ارب روپے خرچ تھیندے پئے ہن ۔وزیراعظم آکھیے اے او مسئلے ہن جیڑھے کہیں ھک حکومت دے پیدا نی کیتے ڳئے ، اے 77 سال دا ٻوجھ اے ج??ں دے تلے قوم دٻی ہوئی ہئی ۔ وزیراعظم آکھیے بجلی دی قیمت گھٹ تھیوݨ دے بعد ہݨ اساکوں اصلاحات اتے سٹرکچرل بدالݨے ہن ۔ سالانہ 600 ارب روپے دی بجلی چوری تھیندی اے ۔ایں چوری دا خاتمہ کرݨا اے۔ اوپن مارکیٹ دے ذریعے بجلی کوں مزید سستا کرݨا اے۔ حکومت ڈسکوزاچ ٻہوں بہتری گھن آئی اے لیکن اتھاں سارا ٹھیک کائنی ۔ عام صارفین کوں ڈسکوز اچ تنگ کیتا ویندے انہاں ڈسکوز کوں وختی پرائیویٹائزیا پروفیشنلائز کرݨا ہوسی۔ ایں توں انڄ کوئی طریقہ کائنی ۔ وزیراعظم آکھئے گردشی قرضے دے مسئلے دا مستقل حل کڈھ ڳھدے آندے پنج سالاں اچ گردشی قرضہ مک ویسی ۔وزیراعظم آکھیے سرکاری پیداواری پلانٹس دے ضیان تے وی توجہ ??تی ڳئی ۔ زنگ آلود پلانٹس تے سالانہ خرچہ 7 ارب روپے ہئی ۔ وزیراعظم آکھیے قیمتاں گھٹاوݨ سانڳے آئی پی پیز نال وی مذاکرات  کیتن۔ انہاں آکھیے او آئی پی پیز دے حوالے نال ماضی اچ جیڑھا کجھ تھئے ایں تے ڳالھ نہ کریسوں جݙاں اے آئی پی پیز آئیاں ہن تاں ھک مثبت قدم ہئی۔ اساں آئی پی پیزنال ساتھ  مذاکرات کیتے۔ انہاں کوں آکھئے انہاں ٻہوں پیسہ کما ڳھدے ہݨ قوم کوں فیدہ ݙیو ۔ ایں سانڳے حکومتی ٹاسک فورس ٻہوں محنت کیتی ۔ آئی پی پیزکوں قائل کرݨ وݙی کامیابی اے ۔ ایں توں پہلے وی ھک ایجھی کوشش تھئی ہئی جیڑھی جو دھری دی دھری رہ ڳئی ہئی۔ آئی پی پیز نال ڳالھ مہاڑ دے نتیجے اچ آندے سالاں اچ 6 ہزار696 ارب  روپے  قوم کوں ادا کرݨے ہن ہݨ او نہ ݙیوݨے پوسن ، ایویں مختلف آئی پی پیز  جنھاں دی مدت 3 توں 25 سال اتے اوسط مدت 15 سال ہئی انہاں جیڑھیاں اضافی ادائیگیاں انہاں سالیں اچ تھیوݨیاں ہن ایں مدت اچ بچت تھیسی ۔ وزیراعظم  معیشت دی بہتری سانڳے آئی ایم ایف نال مذاکرات دا ذکرکریندے آکھیے معاہدے دیاں ساریاں شقاں تے عمل درآمد سانڳے پرعزم ہیسے ۔آئی ایم ایف کوں قائل کرݨ ٻہوں اوکھا کم ہئی ۔ عید توں پہلے تیل دیاں قیمتاں اچ کمی دا فیدہ اساں عوام کوں منتقل نی کیتا بلکہ ایں کوں بجلی دی قیمت اچ کمی سانڳے استعمال کیتے ایں سلسلے اچ اساکوں آئی ایم ایف کوں قائل کرݨا پئے۔ ماضی اچ آئی ایم ایف دے اعتماد کوں جیڑھی ٹھیس پُڄی ہئی ایں کوں سامݨے رکھیندے اساں ملک تے قوم دی بہتری سانڳے کیتے ڳئے اقدامات کوں آئی ایم  ایف کوں اعتماد اچ گھندوں ۔وزیراعظم آکھئے ماضی تے نظر پاوݨ اہم اے ،حکومت  سنبھالی تاں کمزورمعیشت اتے دیوالیہ تھیوݨ دا خطرہ ہئی ،پاکستان کوں ڈیفالٹ تئیں پڄاوݨ آلے خوشیاں منیندے پئے ہن ،انتشاری ٹولے دا پکا یقین ہئی جو ملک دیوالیہ تھی ویسی ۔ اللہ دے فضل نال ساݙی محنت رنگ گھن آئی تے ملک دیوالیہ تھیوݨ توں بچ ڳیا ۔ ایں ٹولے ملکی مفادات کوں ضیان پڄاوݨ سانڳے ساریاں حداں پار کیتن ،معیشت دے استحکام سانڳے کوششاں دے رستے اچ انہاں عناصر باریاں رکاوٹاں پاتیاں ،ذاتی مفاد اتے سیاست سانڳے ایں ٹولے ریاست نال کھلواڑکیتا۔ آئی ایم ایف پروگرام اچ رکاوٹاں پاوݨ دی وی کوشش کیتی ڳئی لیکن اساں پرخطررستے تے چیلنجز دا محنت نال مقابلہ کیتا۔ ھک ویلھے اچ حالت اتنی خراب ہئی جو ایندھن و بنیادی  ضرورتاں دی درآمد سانڳے ایل سی کھولݨ سانڳے وی تگ و دو اتے میکوں خود مداخلت کرݨی پئی تاں جو کہیں ملک اچ تیل و بنیادی چیزاں دی قلدت نہ تھی ونڄے ۔ وزیراعظم آکھیے الحمداللہ معیشت اچ بنیادی استحکام آچکے، مائیکرواکنامک اشاریے چنڳے تھی ڳئن ،اقتصادی استحکام سانڳے آرمی چیف دا بھرپورتعاون حاصل رہیا۔ وزیراعظم شہبازشریف آکھیے ملک کوں پسماندگی دے پاسے سٹݨ آلے مسئلے مکاوݨے ہن ، مسئلے مکاوݨ سانڳے سرجری کرݨی اے،اوکھے فیصلیں تے سخت محنت نال آپݨی منزل گھنسوں ۔ وزیراعظم  آکھئے اللہ دے فضل وکرم نال مہانگ سنگل ڈیجٹ اچ آچکی اے۔ نویں سویل دا سجھ ابھردا پئے ۔وزیراعظم آکھیے سارے عمل تے دورانیئے اچ عام آدمی دی قربانی نہ منݨ زیادتی ہوسی جئ??ں دے ایثار تحمل تے برداشت پاروں اے ممکن تھئے۔ وزیراعظم آکھئے سابق وزیراعظم اتے مسلم لیگ (ن )دے قائد میاں محمد نوازشریف دی رہنمائی قدم  قدم تے اساکوں ملدی رہی ۔ وزیراعظم شہبازشریف آکھیے ھک سال اچ پٹرولیم مصنوعات دیاں قیمتاں اچ 38 روپے فی لیٹر کمی تھئی۔ پٹرولیم مصنوعات قیمتاں پورے خطے اچ ساریں توں گھٹ ہن ۔ وزیراعظم آکھیے پالیسی ریٹ 12 فیصد تے آڳئے۔ نجکاری اتے رائٹ سائزنگ  معاشی اصلاحات  دی کڑی ہن۔ سرکاری ادار??ں دے ضیان پاروں 800 ارب روپے سالانہ خزانے تے ٻوجھ پوندے  معاشی اصلاحات تے اداریں کوں منافع بخش بݨاوݨ سانڳے ساریں کوں رل تے سوچݨا اے ۔ انہاں آکھئے پائیدار ترقی  ساںڳے آپݨے محاصل اچ ودھارا ضروری اے ۔ ٹیکس محاصل اچ 35فیصد ودھارے دا ہدف اے ،پائیدار ترقی سانڳے اپݨے محاصل اچ ودھارا ضروری اے ۔ وزیراعظم آکھئے زرعی شعبے اچ ترقی دی ٻہوں استعداد موجود اے،غیرمتزلزل عزم نال ترقی دیاں منزلاں گھنسوں ۔ ایندے توں پہلے وفاقی وزیر توانائی (پاور ڈویژن)سردار اوایس احمدلغاری بجلی دے شعبہ اچ اصلاحات اتے وزیراعظم دی ݙینھ رات محنت تے ??تی ڳئی رہنمائی دا ذکر کیتے ۔ انھاں آکھئے وزیراعظم ٹیم دی بھرپور حوصلہ افزائی تے ضروری رہنمائی کیتی ۔ وزیراعظم دی ہدایت موجب اصلاحات دے ایجنڈے کوں اڳوں ودھایا ویندا پئے ۔توانائی دے شعبے  دی بہتری سانڳے پکے اقدامات کیتے ڳئن ، سارے امور اچ شفافیت اتے میرٹ تے توجہ ہے اتے وزیراعظم دی ہدایت دی روشنیاچ کیتیاں ونڄݨ آلیاں کوششاں رنگ گھن آندیاں پئن۔